Astanadan Býrabaıǵa 2,5 saǵatta jetkizetin poıyz iske qosyldy

<p>ASTANA. KAZINFORM — Táýelsizdik kúni qarsańynda «Astana — Býrabaı kýrorty» jańa týrıstik elektr poıyzy iske qosyldy. Bul baǵyttyń ereksheligi —  kýrorttyq aımaqqa esh aıaldamasyz 2 saǵat 26 mınýtta jetýge bolady. </p>

№ 7515/7516 «Astana-Býrabaı kýrorty» týrıstik baǵyty taqyrypqa saı bezendirilgen. Onda 6 vagon bar jáne 574 jolaýshy syıady.

Bılet quny 2500-2700 teńge aralyǵynda.

Foto: Vıktor Fedıýnın/ Kazinform

Poıyz vagondary Qazaqstanda jasalǵan (ZIKSTO) jáne «Komfort Plıýs» klasty oryndyqtarmen jabdyqtalǵan. 

— Memleket basshysynyń eldiń týrıstik áleýetin damytý tapsyrmasyn oryndaý maqsatynda Kólik mınıstrligi ınfraqurylymdy jańǵyrtý jáne temirjol tasymaldary úshin qolaıly jaǵdaı jasap keledi. Elektr poıyzda mıkroklımat júıesi, jyldam qýattaıtyn USB-rozetkalar, Wi-Fi jáne velosıped bekitýge arnalǵan quraldar bar. Múmkindigi shekteýli jolaýshylar úshin arnaıy kótergishter men múgedekter arbalaryna arnalǵan oryndar qarastyrylǵan, - dedi QR Kólik mınıstrligi temirjol jáne sý kóligi komıtetiniń Tóraǵasy Jánibek Taıjanov tilshilerge bergen suhbatynda. 

Foto: Vıktor Fedıýnın/ Kazinform

Foto: Vıktor Fedıýnın/ Kazinform

Sonymen qatar jol boıynda Astana men Býrabaıdyń tabıǵaty men tarıhy týraly eksklıýzıvti aýdıogıdti tyńdaýǵa bolady.

Foto: Vıktor Fedıýnın/ Kazinform

Foto: Vıktor Fedıýnın/ Kazinform

Foto: Vıktor Fedıýnın/ Kazinform

Alǵashqy kúni-aq týrıstik poıyz bıletterin 100-den astam jolaýshy satyp alǵan. Kelýshilerge merekelik fýrshet, vıktorınalyq suraqtar uıymdastyrylyp, estelik syılyqtar taratyldy.

Aıta keteıik, qazirgi ýaqytta Astanadan Býrabaı kýrortyna deıin ártúrli kestemen 5 poıyz jumys qatynaıdy.