Astanadan bir túnde 6,1 myń tekshe metrden astam qar shyǵaryldy

<p>ASTANA. KAZINFORM &ndash; Elordanyń kommýnaldyq qyzmetteri táýlik boıy aýysymdyq rejımde jumys istep jatyr. 27 naýryz kúni tańerteń qala boıynsha qar tazalaý jumysyna myńnan astam arnaıy tehnıka jumyldyryldy.</p>

Astana ákimdigi resmı saıtynyń habarlaýynsha, 27 naýryzǵa qaraǵan túni kommýnaldyq qyzmetter elordadan 502 reıs arqyly 6,1 myń tekshe metrden astam qar shyǵarǵan. 

27 naýryz kúni tańerteń qar tazalaýǵa 2,4 myńnan astam jol jumysshysy men myńnan astam arnaıy tehnıka jumyldyryldy.

Aıta keteıik, qalada qar men muzdy kúreý táýlik boıy aýysymdyq rejımde júrgizilip jatyr. Birinshi kezekte ortalyq kósheler, jolaýshylar kóligi marshrýttary, aıaldamalar men trotýarlar tazalanady.

Qys mezgiliniń basynan bastap qar polıgondaryna 500 myńǵa jýyq reıs arqyly 6,7 mıllıon tekshe metrden astam qar shyǵaryldy.