Astanadan bir túnde 44 myń tekshe metrden astam qar shyǵaryldy

<p>ASTANA. KAZINFORM &ndash; 29 qańtar kúni tańerteń elordada qar tazalaý jumysyna 2,5 myńnan astam jol jumysshy jumyldyryldy. Qalanyń kommýnaldyq qyzmetteri táýlik boıy kúsheıtilgen rejımde jumys isteıdi. Bul týraly Astana ákimdiginiń resmı saıty jazdy.</p>

29 qańtar kúni tańerteń qala kóshelerin qar men muzdan tazartýǵa 2,5 myńnan astam jol jumysshy jáne 1,5 myńǵa jýyq arnaıy tehnıka jumyldyryldy.

Ótken túnde qaladan 44 myń tekshe metrden astam qar shyǵaryldy, bul - 3,3 myń aýyr júk kólemine teń. 

Qysqy kezeńde elordadan barlyǵy 3,1 mln tekshe metr qar shyǵaryldy, ol úshin polıgondarǵa júk mashınalarynyń 231 myńǵa jýyq reısi jasaldy. 

«Qazgıdromet» sınoptıkteri 29 qańtar kúni Astanada azdaǵan qar, kóshpeli bult jáne keıde tuman bolady dep boljap otyr. Aýa temperatýrasy kúndiz 12-14 gradýsqa deıin tómendeıdi.