Astanadan bir túnde 30 myń tekshe metrden astam qar shyǵaryldy

<p>ASTANA. KAZINFORM &ndash; Elordada ótken túnde kommýnaldyq qyzmet mamandary 30 myń tekshe metrden astam qar shyǵardy.&nbsp;</p>

Astana ákimdiginiń resmı saıtynyń málimetinshe, 25 aqpan kúni tańerteń qar kúreý jumysyna 2,4 myńǵa jýyq jol jumysshy, 1,2 myńnan astam arnaıy tehnıka jumyldyrylǵan. 

Kommýnaldyq qyzmet mamandarynyń kómegimen 24 aqpannan 25 aqpanǵa qaraǵan túni 2 300-ge jýyq reıs arqyly 30,1 myń tekshe metrden astam qar shyǵaryldy. 

Al qys mezgiliniń basynan beri 383,4 myń reıs arqyly 5 mln 168 myń tekshe metr qar shyǵaryldy. 

Sonymen qatar qala turǵyndary men qonaqtarynyń júrip-turýynyń qaýipsizdigi úshin joldar men trotýarlarǵa qum-tuz qospasy sebiledi.