Astanadan bir kúnde 34 myń tekshe metr qar shyǵaryldy

<p>ASTANA. KAZINFORM &ndash; Elordada qalyń qar jaýǵan jaǵdaıda kommýnaldyq qyzmeti qalany qardan tazartyp, táýlik boıy kúsheıtilgen rejımde jumys isteıdi, dep habarlaıdy Astana ákimdiginiń resmı saıty.</p>

Túngi aýysymǵa 1000-nan asa arnaıy tehnıka men 200-den asa jol jumysshylary jumyldyryldy. Trotýar, aıaldama, jer asty ótkelderi sııaqty kópshilikke arnalǵan oryndar qardan tazartylýda.

Bir kún ishinde kommýnaldyq qyzmetter Astanadan 34 myń tekshe metrden asa qar shyǵaryp, 2 681 aýyr júk reısin jasady.

Qys mezgiliniń basynan beri qar polıgondaryna 217 010 reıspen 3 mln tekshe metrge jýyq qar shyǵaryldy.

«Qazgıdromet» RMK derekteri boıynsha Astanada 27 qańtarda kún bultty, arasynda qar jaýyp, boran bolady dep kútilýde.

Ońtústik-batystan soqqan jel ekpini kúndiz 9-14, túnde 15-20 m / s. Aýa temperatýrasy túnde -15-17, kúndiz -13-15 aıaz bolady.