Astanadan bir kúnde 3 myńǵa jýyq reıspen qar shyǵaryldy

<p>ASTANA. KAZINFORM &mdash; Astanada kommýnaldyq qyzmetkerler qar kúreý boıynsha táýlik boıy jumys istep jatyr. Qaladan bir kúnde 38 myń tekshe metrden astam qar shyǵaryldy, dep habarlaıdy qala ákimdiginiń resmı saıty.</p>

5 qańtar kúni kúndizgi aýysymǵa qala kósheleriniń qaryn kúreýge 337 jol jumysshy men 1206 arnaıy tehnıka shyqty. Olardyń kúshimen qaladan 2938 reıspen 38602 tekshe metr qar shyǵaryldy.

Qys mezgiliniń basynan beri elordadan 178 098 reıspen 2 352 714 tekshe metr qar shyǵaryldy.

Eń aldymen, erejege sáıkes, joldarda keptelis bolmas úshin qozǵalysy óte qarqyndy oryndar tazartylady. Sondaı-aq, qarqyndylyǵy ortasha ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. tazartylady.

Ortalyq kóshelerdi, jolaýshylar kóligi marshrýttary júretin oryndardy, aıaldamalar men trotýarlarda tazalaý da basymdyqqa ıe.

Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan.

Elorda turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlarǵa shyqpaýdy suraımyz.

Tótenshe jaǵdaı týyndaǵan kezde «112» nómirine habarlasyńyz.