Astanadan Antalııaǵa jańa reıs ashyldy
15:18, 04 Maýsym 2023
ASTANA. QazAqparat - Mavi Gök Aviation Antalııa-Astana-Antalııa jańa reısin ashty. Alǵashqy reıs búgin túnde Boeing 737-800 ushaǵymen oryndaldy jáne ol 5,5 saǵatqa sozyldy, dep habarlaıdy QazAqparat Astana áýejaıyna silteme jasap.
Budan bylaı Qazaqstannyń astanasy men Túrkııanyń Jerorta teńizindegi kýrorty arasynda aptasyna eki ret – sársenbi jáne jeksenbi kúnderi tikeleı áýe qatynasy júzege asyrylatyn bolady.
Boeing 737-800 ushaǵy 189 orynǵa arnalǵan. Áýe kompanııasy bıyl shilde aıynan bastap ushaqty 300-den astam jolaýshy orny bar Boeing 777-300ER-ge aýystyrýdy josparlap otyr.