Astanadan 1 mıllıon tekshe metrden astam qar shyǵaryldy

<p>ASTANA. KAZINFORM &mdash; Qys mezgili bastalǵannan beri Astanadan 79 881 reıspen mıllıon tekshe metrden astam qar shyǵaryldy, dep habarlaıdy elorda ákimdiginiń resmı saıty.</p>

14-inen 15 jeltoqsanǵa qaraǵan túnde qala kóshelerinen qar men muzdy jınaýǵa 160-tan astam jol jumysshysy men 600-den astam arnaıy tehnıka shyqty. 

14 jeltoqsan kúni qar polıgondaryna aýyr júk kólikpen 803 reıs, 10152 myń tekshe metrden astam qar shyǵaryldy.

Erejege sáıkes, eń aldymen, qalada keptelis bolmas úshin óte qarqyndy qozǵalys ýchaskeleri tazalanady. Sondaı-aq ortasha qarqyndylyǵy bar ýchaskeler-alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t. b. oryndar qardan tazartylady.

Ortalyq kóshelerde, jolaýshylar kóligi marshrýttarynda, aıaldamalar men trotýarlarda tazalaý basymdyqqa ıe.

Elordada birneshe jabdyqtalǵan qar polıgony jumys isteıdi. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylǵan, jaryqtandyrý qosylǵan.