Astanadaǵy «Jas ulan» áskerı mektebinde bir orynǵa 10 adam úmitker bolyp otyr
Qazaqstannyń túkpir-túkpirinen kelgen áskerı bolǵysy keletin bozbalalar kún saıyn kezeń-kezeńnen ótýde. Bıylǵy jyly konkýrstyq irikteý aıtarlyqtaı joǵary, ıaǵnı, bir orynǵa 10 adam talaptanyp otyr. 2016 jyly «Jas ulan» respýblıkalyq mektebine 52 adam qabyldanady. Osy jyly 500-den asa adam qujattaryn tapsyrdy. Bul bir orynǵa 10 adamnyń úmittenip otyrǵanyn bildiredi», - deıdi mektep bastyǵynyń oqý jumystary jónindegi orynbasary podpolkovnık Hamıt Baıkenov.
Barlyq oqýǵa túsetinderge irikteýdiń tórt kezeńinen múdirmeı ótý qajet. Ol kásibı psıhologııalyq irikteý, ıaǵnı, jasóspirimder psıhologııalyq testileý, sondaı-aq, logıkalyq oılaý boıynsha testileý tapsyrady. Ekinshi kezeń - dene daıarlyǵyn tekserý, úshinshisi - medıtsınalyq kýálandyrý. Ári qaraı mandattyq komıssııa jáne oqýǵa qabyldaný.
Bozbalalar úshin kúrdeli kezeńderdiń biri dene daıarlyǵy boıynsha normatıvterdi tapsyrý boldy. Beltemirge tartylý, 60 jáne 2 000 metrge júgirý. Keıbir jetkinshekterdiń áskerı mektepke jete daıyndalǵany baıqalady. Sondyqtan bolar, kórsetkish boıynsha «úzdik» degen baǵadan asyp túsip, normatıvterdi qınalmaı tapsyrýda. Oqýǵa túser kezde qosymsha upaılar beriletin birqatar oqýǵa túsetinder sanaty bar ekenin aıta ketken jón.
«Bizde birinshi kezekte jetim balalarǵa, qyzmettik mindetterin oryndaý barysynda qaza bolǵan áskerı qyzmetshilerdiń balalaryna, sondaı-aq, eńbek sińirgen jyly 10 jyldan asatyn áskerı qyzmetshilerdiń balalaryna, halyqaralyq, respýblıkalyq, prezıdenttik olımpıadalar men ártúrli baıqaýlardyń jeńimpazdaryna, úzdik dıplomy, sonymen qatar, ártúrli sport boıynsha sporttyq dárejeleri bar balalarǵa bonýstyq upaılar qosylady», - dep túsindirdi Hamıt Baıkenov.
Іrikteýdiń árbir kezeńinen ótýge bir-aq ret ruqsat beriledi. Bul rette áskerı mektep basshylyǵy balalardyń ata-analarymen udaıy ózara áreket jasap turady. Olarǵa irikteý erejeleri men barlyq nıýanstar túsindiriledi. Nusqaýlyqtyń barlyq qajetti qujattamasy men qabyldaý erejeleri usynylady. Odan basqa, emtıhandardyń ótkizilý barysyn qadaǵalaıtyn ata-analardyń ishinen 1-2 adam bólinedi. Byltyrǵy jyly «Jas ulan» mektebine qabyldaý erejeleri ózgertildi. Sol ýaqyttan bastap oqýǵa jalpy bilim berý mektebiniń 9-synybyn aıaqtaǵan bozbalalardy qabyldaıdy.
Sonymen, áskerı mektepke jasóspirimder oqýǵa túsý úshin aldyn ala daıyndalyp, barlyǵyn oı eleginen ótkizip, sanaly túrde keledi. 2015-2016 oqý jylynda Saǵadat Nurmaǵambetov atyndaǵy «Jas ulan» respýblıkalyq mektebi ulandardyń mereıtoılyq 15-shi shyǵarylymyna óz esigin aıqara ashqanyn aıta keteıik.
Bilim oshaǵynyń negizi qalanǵan sátten bastap 15 jyl ishinde «Jas ulan» respýblıkalyq áskerı mektebi 600-den asa tárbıelenýshini túletip ushyrdy. Búgingi tańda «Jas ulan» mektebiniń kóptegen bitirýshileri álem elderiniń joǵary áskerı oqý oryndaryna túsip, Qarýly Kúshterde jáne Qazaqstan Respýblıkasynyń, Reseı Federatsııasy men ózge de elderdiń áleýetti qurylymdarynda qyzmet atqarýda. QR Qarýly Kúshteri áskerı bólimderiniń komandırleri bolyp tabylady. Joǵary ofıtserlik ataqtary men memlekettik nagradalary bar.