Astanadaǵy Jánibek pen Kereı handar eskertkishi aldynda tarıhı kesh ótedi

ASTANA. QazAqparat - Búgin, 15 qazan kúni saǵat 11:00-de elordadaǵy Jánibek pen Kereı handar eskertkishi aldynda «Qazaq handyǵynyń tarıhynan...» atty keshi ótedi. Shara Qazaq handyǵynyń sońǵy hany Kenesary Qasymulynyń eskertkishi aldynda óz máresine jetedi.

Atalmysh shara Qazaq handyǵynyń 550 jyldyǵyna oraı uıymdastyrylyp otyr. Shara Tarıhı-mádenı eskertkishterdi qorǵaý jáne qalpyna keltirý dırektsııasy jáne №63 orta mektep oqýshylarynyń qatysýymen ótedi. Atalmysh keshtiń maqsaty - oqýshylardy el tarıhymen tanystyrý, jas býyndy izgilikke, otansúıgishtikke baýlý bolyp tabylady. Astana qalasynyń Tarıhı-mádenı eskertkishterdi qorǵaý jáne qalpyna keltirý dırektsııasynyń qyzmetkerleri oqýshylarǵa Kereı, Jánibek, Kenesary handarynyń eskertkishteri týraly jáne olardyń avtorlary jaıly tanymdyq baıandama júrgizedi. Sonymen qatar Astana qalasy Sýretshiler odaǵynyń tóraǵasy, tanymal músinshi Toqtar Ermekovpen kezdesý ótedi, dep habarlaıdy astana.kz.