Astanadaǵy jańa tarıfter eki bólmeli páter úshin qanshalyqty ósti

ASTANA. QazAqparat – 1 shildeden bastap Astanadaǵy kommýnaldyq qyzmetterdiń baǵasy óskenimen, ortasha respýblıkalyq kórsetkishten áli de tómen. Bul týraly Ulttyq ekonomıka mınıstrligi Tabıǵı monopolııalardy retteý komıtetiniń departament basshysy Qanat Qulnazarov aıtty, dep habarlaıdy QazAqparat tilshisi.

«Jańa tarıftermen eseptesek, 2 bólmeli páterdegi úıdiń sý men kárizge tóleıtin (20 tekshe metr) túbirtegi shamamen 300 teńgege nemese 1 448 teńgeden 1748 teńgege ósedi. Bul 20% ósim degen sóz. Al jylýǵa tóleıtin túbirtegi osyndaı eki bólmeli páter úshin 650 teńgege, elektr tólemi 400 teńgege qymbattaıdy», - dedi Qanat Qulnazarov.

Onyń sózine qaraǵanda, elordada kommýnaldyq tarıf óskenimen, keıbir óńirlerge qaraǵanda áli de tómen.

«Tarıfke engizilgen túzetýlerge qaramastan, astanadaǵy kommýnaldyq qyzmetterdiń baǵasy ortasha respýblıkalyq kórsetkishten tómen. Mysaly, Qaraǵandy qalasynda jylý energııasynyń tarıfi – 3 776 teńge/Gkal, Astanada bul kórsetkish – 2 765 teńge/Gkal. Aıyrmashylyq 27% nemese 1 011 teńge. Qaraǵandyda 1 tekshe metr sýdyń quny 120,72 teńge bolsa, Astanada 58,15 teńge. Aıyrmashylyq 52% nemese 63 teńge», - deıdi departament bashysy.