Astanadaǵy UOS ardagerleriniń barlyǵy pátermen qamtamasyz etildi
17:45, 04 Mamyr 2015
ASTANA. QazAqparat - Elordada turatyn UOS ardagerleriniń barlyǵy pátermen qamtamasyz etildi. Bul týraly búgin baspasóz máslıhatynda Astana qalasynyń Jumyspen qamtý jáne áleýmettik baǵdarlamalar basqarmasy basshysynyń orynbasary Meıirlan Narynbetov málim etti.
«Ardagerlerdi pátermen qamtamasyz etý máselesi Astanada tolyq sheshilgen. 20 mamyrda sońǵy 6 páter bólinip, bular elimizdiń óńirlerinen qonys aýdarǵan ardagerlerge berildi»,-dedi ol.
Onyń sózine qaraǵanda, turǵyn úı jáne turmystyq jaǵdaı boıynsha júrgizilgen zertteý nátıjesinde 84 ardagerdiń baspanasyna túrli deńgeıdegi jóndeý jumystary júrgiziledi.
«Osy turǵyda atqarylatyn kúrdeli jumystardy eskere otyryp, jyl sońyna deıin bul baǵyttaǵy sharalardy tolyq aıaqtaımyz. Bul jumystar qala ákiminiń jeke qadaǵalaýynda»,-dedi M. Narynbetov.