Astanadaǵy turǵyn úılerge jylý berile bastady
18:24, 04 Qazan 2018
ASTANA. QazAqparat - Búginnen bastap elordadaǵy turǵyn úılerge jylý berile bastady, dep habarlaıdy QazAqparat Astana ákimdiginiń baspasóz qyzmetine silteme jasap.
Astanada resmı túrde jylý maýsymy bastaldy. Qaladaǵy kópqabatty úıler jylýǵa qosyldy. Protsess birneshe kúnge sozylady. Búginge deıin ótinish boıynsha jylý jabdyǵyna áleýmettik, mádenı, turmystyq 127 obekti qosylyp úlgerdi.
Jylý 18 densaýlyq saqtaý obektisine, 72 balabaqshaǵa, 16 mektepke, 11 oqý ornyna, 3 mádenı nysanǵa berildi. Kómir boıynsha otyn qory 332 606 tonnany quraıdy, onyń ishinde JEO-1 - 50 679 tonna, JEO-2 - 281 927 tonna. Mazýt boıynsha - 5 770 tonna, onyń ishinde JEO-1 - 3 203 tonna (qosymsha rezerv - 5 382 tonna) jáne JEO-2 - 2 567 tonna.