Astanadaǵy Turan dańǵyly ishinara jabylady
18:32, 02 Tamyz 2018
ASTANA. QazAqparat - Astananyń ortalyq iri joldarynyń biri - Turan dańǵylynda jóndeý jumystary júrgiziledi, dep habarlaıdy QazAqparat qala ákiminiń resmı saıtyna silteme jasap.
Kólik jáne jol-kólik ınfraqurylymyn damytý basqarmasy avtokólik joldaryn ortasha jóndeý sheńberinde Saraıshyq kóshesinen Qorǵaljyn tas jolyna deıingi ýchaskedegi Turan dańǵyly boıynsha asfalt-beton jabynynyń joǵarǵy qabatyn salý jumysyn bastaýdy josparlap otyr.
Osyǵan baılanysty, aǵymdaǵy jyldyń 2 tamyzy kúni saǵat 19:00-den 3 tamyz saǵat 07:00-ge deıin Qorǵaljyn tas joly qozǵalys baǵytyna qaraı jáne 2 tamyzda 19:00-den 3 tamyz 15:00-ge deıingi merzimde Saraıshyq kóshesiniń qozǵalys baǵyty boıynsha avtokólik quraldarynyń qozǵalysy toqtatylady.
Elorda turǵyndary men qonaqtary keptelis týyndamas úshin jol qozǵalysy baǵyttaryn aldyn ala josparlaǵany jón.