Astanadaǵy saılaý ýchaskesinde QR Memlekettik hatshysy G.Ábdiqalyqova daýys berdi

ASTANA. QazAqparat - Astanadaǵy №89 saılaý ýchaskesinde QR Memlekettik hatshysy Gúlshara Ábdiqalyqova daýys berdi.

Ol búgin erekshe kún ekendigin atap ótti.

«Adamdarda merekelik kóńil-kúı seziledi. Tutastaı alǵanda biz, árıne, Qazaqstannyń bolashaǵy, ekonomıkalyq turaqtylyǵy, áleýmettik qaýipsizdigi, rýhanı-adamgershil damý úshin daýys beremiz», - dedi QR Memlekettik hatshysy.

Ulttyq akademııalyq kitaphanada ornalasqan №89 saılaý ýchaskesinde tańǵy 07.00-den bastap halyq erekshe belsendilik tanytýda. Ýchaskelik saılaý komıssııasynyń 09.45-tegi jaǵdaı boıynsha málimetinshe tirkelgen 2555 saılaýshynyń 500-i daýys berip úlgergen.

Saılaý ýchaskesinde Ońtústik Koreıadan, Horvatııadan, Reseıden, Belarýstan, Qytaıdan, sondaı-aq UQShU-dan halyqaralyq baıqaýshylar jumys isteýde.