Astanadaǵy saýda ortalyqtarynda Naýryz meıramyna oraı merekelik sharalar ótkiziledi

ASTANA. QazAqparat - Naýryz meıramyna oraı elordanyń saýda-oıyn-saýyq ortalyqtarynda túrli mádenı-buqaralyq sharalar uıymdastyrylady. Halyqtyq serýen eki kúnge jalǵasady, dep habarlaıdy qala ákimdiginiń saıty .

22 naýryzda saǵat 10.00-den 16.00-ge deıin «Kerýen Sity» (burynǵy «Mega») SOSO-da kelýshilerge baýyrsaq pen basqa da tátti-dámdi as taratylady. Al saǵat 18.00-den 22.00-ge deıin estrada juldyzdarynyń qatysýymen merekelik kontsert uıymdastyrylady jáne anımatorlar kópshilik nazaryna qyzyqty shoý usynady.

Sonymen qatar, saǵat 12.00-den 17.00-ge deıin «Mega» oıyn-saýyq ortalyǵynda merekelik sharalar uıymdastyrylyp, ulttyq taǵamdar taratylady.

Osy kúni «Saryarqa» SOSO-da saǵat 16.00-den 22.00-ge deıin astanalyqtar kontserttik baǵdarlamany tamashalaı alady. Saǵat 12.00-den 18.00-ge deıin «Arýjan» SOSO-da ulttyq kıim kıgen ártister halyqty qarsy alyp kıiz úılerde ulttyq taǵamdardan dám tatýǵa shaqyrady.

Mereke sońynda «Kerýen Sity» (burynǵy «Mega») saýda ortalyǵynyń janynda rebrendıng qurmetine 22.00-de otshashý bolady.

Al 23 naýryzda saǵat 17.00-de «Han shatyr» SOSO-da memlekettik fılarmonııanyń úrmeli aspaptar orkestriniń kontserti ótedi. Munymen qosa, saǵat 18.00-de «Mega Silk Way» SOSO-nyń ashylýyna oraı merekelik dýman uıymdastyrylady.