Astanadaǵy paradty tikeleı translıatsııa arqyly álemniń túrli elderinen 3 mln-nan astam adam tamashalady
Atalǵan parad el tarıhynda rekordty kórsetkishterimen erekshelendi. Álemniń 3 mıllıon kórermeni tikeleı translıatsııa arqyly áskerı paradty tamashalady. Qazaqstandyqtardyń rýhyn asqaqtatqan paradty tek elimizdegi ǵana emes, sondaı-aq sheteldegi otandastarymyzdyń da úlken qyzyǵýshylyǵy baıqaldy.
Bul oraıda, QR Qorǵanys mınıstrliginiń resmı saıtynda, Qazaqstan Respýblıkasynyń AQSh, Kanada, Frantsııa, Germanııa, Vengrııa, Chehııa, Reseı Federatsııasy, Gonkong (KNR) jáne Belarýs elshilikteri men konsýldarynyń resmı saıttarynda tikeleı translıatsııa uıymdastyryldy.
Aýqymdy paradtyń bastalý sátinde onlaın translıatsııasyn kórýde rekordty nátıje anyqtaldy, atap aıtqanda, paradty 8 myńnan asa kórermen tamashalap, olardyń ishinde 5 500-den astamy biregeı kelýshiler ekeni belgili boldy.
Onlaın translıatsııamen Reseı, Amerıka Qurama Shtattary, Qytaı, Úndistan, Indonezııa, Túrkııa, Soltústik Koreıa, Ýkraına, Gollandııa jáne basqa elderdiń turǵyndary paradty kórýge múmkindik aldy.
Qazaqstannyń búkil óńirleri men Astana jáne Almaty qalalarynyń turǵyndary elimizde ornalastyrylǵan barlyq LED-ekrandardan tikeleı efır arqyly áskerı paradty tamashalady.
Budan ózge Habar, Qazaqstan, 24.KZ, MIR respýblıkalyq telearnalary, sondaı-aq Tengrinews.kz/tv, Bnews.kz. aqparattyq portaldary tikeleı translıatsııa júrgizdi.