Astanadaǵy parad Qazaqstannyń áskerı qýatyn pash etti - general-maıor N. Ormanbetov

ASTANA. QazAqparat - Astanadaǵy áskerı sherýde usynylǵan barlyq tehnıkalar Qazaqstannyń búgingi áskerı qýatyn tolyqtaı kórsetti, dep esepteıdi QR Áýe qorǵanysy kúshteriniń Bas qolbasshysy, avıatsııa general-maıory Nurlan Ormanbetov.

"Búgingi parad - jeke quram, onyń ishinde áskerı tehnıka jaraqtary, áýe kúshteri - bunyń barlyǵy bizdiń áskerı qýatymyzdy tolyqtaı pash etti. Qazaqstanda qarýdyń qanshalyqty qýatty ekendigin kórsetti", - dedi avıatsııa general-maıory tilshilerge bergen suhbatynda.

Onyń aıtýynsha, Qazaqstan áskerıleri sherýdi kásibı turǵyda jaqsy ótkize aldy.

"Jeke quram joǵary deńgeıde. Búgin kórgenimizdiń barlyǵy bizdiń áskerı qýatymyz. Áskerı sherý sátti ótti dep qorytyndylaýǵa bolady", - dep atap ótti ol.