Astanadaǵy meshitke Ábsattar qajynyń esimi beriledi

ASTANA. QazAqparat - Astanadaǵy jańa meshitke Ábsattar qajy Derbisáliniń esimi beriletin boldy. Bul týraly áleýmettik jelidegi praqshasynda Qazaqstan musylmandary dinı basqarmasynyń baspasóz hatshysy Aǵabek Qonarbaıuly málimdedi, dep habarlaıdy QazAqparat.

Bul týraly Almaty qalasyndaǵy ál-Farabı atyndaǵy Qazaq ulttyq ýnıversıtetinde kórnekti ǵalym, akademık, dıplomat Ábsattar qajy Derbisáliniń 75 jyldyǵy men memlekettik, qoǵamdyq jáne dinı qyzmetiniń 50 jyldyǵyna arnalǵan «Shyǵystaný jáne rýhanııat máseleleri» taqyrybynda ótip jatqan halyqaralyq ǵylymı-teorııalyq konferentsııasynda bas múftı Naýryzbaı qajy Taǵanuly habarlady.

«Osy rette Qazaqstan musylmandary dinı basqarmasy Ábsattar qajy Derbisáli hazirettiń esimin respýblıkamyzdaǵy jańa meshittiń birine berý jóninde Tóralqa májilisinde arnaıy qaýly qabyldaıtynyn jetkizemin. Bul ustazymyzdyń esimin ardaqtaý jolyndaǵy ıgi qadamnyń biri bolmaq», - dep atap ótti Naýryzbaı qajy Taǵanuly.

Aıta keteıik, buǵan deıin Astanada Ortalyq Azııadaǵy eń úlken meshit ashylǵanyn jazǵan bolatynbyz.

Foto: muftyat.kz