Astanadaǵy marafon: Qyrǵyz ben ózbek qyzdary top jardy

ASTANA. QazAqparat - Astanada ótken Shanhaı yntymaqtastyq uıymy men Azııadaǵy ózara yqpaldastyq jáne senim sharalary jónindegi keńestiń halyqaralyq marafonynda áıelder arasynda birinshi bolyp máre syzyǵyn qyrǵyzstandyq Vıktorııa Polıýdına kesti, dep habarlaıdy «QazAqparat»HAA tilshisi.

Vıktorııa 42 shaqyrymdyq qashyqtyqta máre syzyǵyn 2 saǵat 37 mınýt 43 sekýndta kesip ótti. Jeńimpazǵa dıplommen birge 13 myń AQSh dollary tapsyryldy. Al odan bar-joǵy 7 sekýnd qana qalyp qoıǵan ózbekstandyq Marına Hmelevskaıa ekinshi orynnan kórindi. Márege úshinshi bolyp 2 saǵat 42 mınýt 21 sekýndta qazaqstandyq Janatbek Gúljanat jetti.


 

Alǵashqy úshtikten keıingi toǵyz oryndy Marına Korobıtskaıa (Qyrǵyzstan), Janna Mamajanova (Qazaqstan, Almaty), Olga Bogomolskaıa (Qazaqstan, Pavlodar), Chýlýýnhý Shınettsettsek (Mońǵolııa, Ulanbatyr), Rýıksıang Han (Beıjiń) pen Qarlyǵash Sámijan (Qazaqstan, Semeı) ıelendi.
 

Eske sala ketsek, Elordada el tarıhyndaǵy tuńǵysh kásibı marafon jarysysońyna jetti. Halyqaralyq marafonnyń 2017 metr qashyqtyqtyǵy 4 sanaty boıynsha ótkizilgen bolatyn. Al 10 shaqyrymdyq qashyqtyqta erler arasynda Qudaıbergen Zeınollaev birinshi bolyp kelse, qyzdar arasynda Tatıana Neroznak bas júldege ıe boldy. Marafonnyń 42 shaqyrymdyq eń uzaq qashyqtyǵynda erler arasynda birinshi bolyp máre syzyǵyn Ózbekstan elinen kelgen 31 jastaǵy Andreı Petrov kesken bolatyn.