Astanadaǵy Qyrqynshy stansada poıyzdardy kútý pýnkti ashyldy

ASTANA. QazAqparat - Qyrqynshy stansada «Astana - Qaraǵandy», «Ereımentaý - Kókshetaý» elektr poıyzdaryn, №328 jolaýshy poıyzyn kútý  pýnkti jumys isteýde, dep habarlaıdy QazAqparat «Qazaqstan temir joly» AQ baspasóz qyzmetine silteme jasap.

Buǵan deıin jolaýshylar poıyzdy ashyq aspan astynda nemese stansa ákimshiliginiń ǵımaratynda kútetin. Pýnkte yńǵaıly oryndyqtar ornatylyp, daýys zoraıtqysh jumys istep tur.

«Biz pýnkti óz kúshimizben jabdyqtadyq. Ǵımaratymyzdyń birinshi qabatynda taýarlyq kassırler men júk jóneltýshiler jumys isteıdi. Osy jerde óz poıyzdaryn kútken jolaýshylar men júgin jóneltýge qujattar rásimdep júrgen klıentter bolǵan kezde bul protsess kúrdelene túsken edi. Sondyqtan da biz osyndaı shaǵyn kútý zalyn ashtyq», - deıdi stansa basshysy Dastan Onbespaev.

«Bul óte yńǵaıly. Poıyzǵa, ádettegideı, 20-30 mınýt erte kelesiń. Endi kez kelgen qolaısyz aýa raıynda osynda kútýge bolady. Adamdarǵa mundaı qamqorlyq tanytqan bizdiń temirjolshylarǵa rahmet», - dep aǵynan jaryldy jolaýshy Qýat Maıkenov.