Astanadaǵy qurylystarǵa qatysty birneshe kún qoǵamdyq talqylaýlar ótedi

ASTANA. QazAqparat - Astana qalasynda birneshe másele boıynsha qoǵamdyq talqylaýlar ótedi, dep habarlaıdy QazAqparat elorda ákimdiginiń resmı saıtyna silteme jasap.

16-21 tamyz kúnderi mynadaı máseleler talqylanady:

16 tamyz: Táýelsizdik dańǵyly – Sharl de Goll kóshesi (qabattylyqty ózgertý; qyzyl syzyqtarda ornalasqan obektilerdi buzý; jaıaý júrginshiler keńistigin ulǵaıtý; pandýstar salý; skverdi abattandyrý; qaýipsiz jaıaý júrginshiler aımaǵyn jáne jalpy paıdalanylatyn oryndardy damytý úshin qurylys bazarynyń ornyn aýystyrý máseleleri).

17 tamyz: Jeńis - Bógenbaı dańǵyly, A.Hrapatyı, Á.Tynybaev kósheleri (Áleýmettik kásipkerlik korporatsııasynan jer ýchaskesin Saryarqa aýdany ákimdigine bere otyryp, kópqabatty turǵyn úı qurylysyń nysanaly maqsatyn gúlbaqqa ózgertý; toqsan saıynǵy qurylysqa sáıkes jobalardyń qabattylyǵyn egjeı-tegjeıli josparlaý josparyna ózgerister engizý; balabaqshany bekitý týraly; ıgerilmegen ýchaskelerde jańa qurylys salýdyń orynsyzdyǵy máselesi; saıabaqty dene shynyqtyrý men sportqa arnalǵan nysan retinde rekreatsııalyq aımaqqa jatqyzý; týrıstik ındýstrııa obektilerin ornalastyrý).

18 tamyz: Dostyq kóshesi jáne Qabanbaı batyr, Respýblıka dańǵyldary, Baraev kóshesi (iskerlik ortalyqty damytý; buryn qoldanylyp júrgen josparǵa sáıkes 3 qabattan aspaıtyn qabatty shekteý máselelerin egjeı-tegjeıli josparlaý josparyna ózgerister engizý; «Azııa park» saýda alańdarynyń nysanaly maqsatyn ózgertý; Qazaqstan jas sýretshiler qaýymdastyǵynyń kórkem galereıa salýy).

19-20 tamyz kúnderi – demalys.

21 tamyz: Qorǵaljyn tasjoly, Imanbaeva - Ǵabdýllın - Imanov kósheleri (shemaǵa sáıkes kvartalishilik qozǵalysty ózgertý; óz betinshe salynǵan qurylystardy buzý; qoldanystaǵy nysanaly maqsatta 86 mashınaǵa arnalǵan parkıng salý týraly máselelerdi qaraý; 4 qabattan aspaıtyn ǵımarat, 1000 oryn baǵdarlamasy sheńberinde Áleýmettik kásipkerlik korporatsııasynyń jaldaý shartynyń kúshin joıý).

Talqylaýlar 16-21 tamyz aralyǵynda saǵat 10:00-den 17:00-ge deıin, túski úzilis saǵat 13:00-den 14:30-ǵa deıin (senbi jáne jeksenbi – demalys kúnderi) Respýblıka dańǵyly, 32 mekenjaıy boıynsha ótedi.

Dáleldi eskertýler men usynystar qoǵamdyq talqylaýlar bastalardan buryn úsh jumys kúninen keshiktirilmeı Astana qalasy, Áýezov kóshesi, 6; Respýblıka dańǵyly, 32 mekenjaılary boıynsha qabyldanady.

Ótinishter jáshigine usynystar jibergen kezde olardy hattamaǵa qosý maqsatynda qaraý kúnin jáne kóshelerdiń ataýyn kórsetý qajet.

Usynystarǵa arnalǵan nysandy https://talqilaw.kz siltemesi arqyly «OOS jobasy boıynsha usynystar» boıynsha júkteýge bolady.