Astanadaǵy kóshe ataýlarynyń 93 paıyzy qazaq tilinde

ASTANA. QazAqparat - Astanadaǵy kóshelerdiń negizi bóligi qazaq tiliniń ataýyna ıe. Bul týraly búgin Tilder festıvaliniń bastalýyna oraı ótken baspasóz máslıhatynda. Astana qalasy Tilderdi damytý basqarmasynyń basshysy Erbol Tileshov málim etti.

«Astana qalasyndaǵy kóshe ataýlarynyń 93 paıyzy qazaq tilinde. ıAǵnı elordada 934 kóshe bar bolsa, onyń negizgi bóligine memlekettik tilde ataý berildi. Qazaqstannyń eshbir qalasynda osyndaı deńgeıde qamtylmaǵan»,-dedi basqarma basshysy.

E. Tileshov qala kóshelerine elimizdiń barlyq óńirleriniń ataýlary berilgenin, osy arqyly da ulttyq sanany adamǵa sińirýge bolatyndyǵyn atap ótti.

Budan buryn habarlanǵandaı, búgin qazaq tili biliminiń atasy, qazaq ultynyń ustazy - Ahmet Baıtursynulynyń týǵan kúnine oraılastyra elordada jyl saıynǵy dástúrli Tilder festıvali bastaldy. Sharanyń maqsaty - memlekettik tildi ulyqtaý, Qazaqstanda ómir súretin halyqtardyń tiline nazar aýdarý, ulttyq qundylyqtardy dáripteý.

Festıval aıasynda qyrkúıektiń 19-yna deıin túrli sharalar uıymdastyrylmaq. Bul turǵyda «Úzdik jarnama» baıqaýy, «Otan - otbasynan bastalady» merekelik is-sharasy, Qazaqstan Jazýshylar odaǵynyń mereıtoıyna arnalǵan jas aqyndar músháırasy, sondaı-aq Balýan Sholaqtyń 150 jyldyǵyna arnalǵan ádebı-sazdy kesh, «Kemel tildiń keleshegi» atty jastar aktsııasy, «Memlekettik til - memlekettik qyzmette» atty memlekettik qyzmetshiler arasynda baıqaý qamtylǵan.