Astanadaǵy kólik turaqtarynyń 1 paıyzy ǵana aqyly – ákimdik

ASTANA. QazAqparat – Astana qalasy kólik jáne jol-kólik ınfraqurylymyn damytý basqarmasynyń málimeti boıynsha, elordadaǵy kólik turaqtarynyń 1 paıyzy ǵana aqyly, dep habarlaıdy QazAqparat tilshisi.

«Búgingi tańda elordada 6916 aqyly avtoturaq engizildi. Bul qaladaǵy jalpy turaqtardyń shamamen 1% quraıdy», - dep jazylǵan basqarmanyń QazAqparat saýalyna joldaǵan jaýabynda.

Ákimdikten aqyly turaqtardan tabys kóretin aqyrǵy benefıtsıardyń kim ekenin suraǵan edik.

«Astana turaq keńistigi» JShS-niń quryltaıshysy Qazaqstan Respýblıkasynyń azamaty Dosybaev Ch. B.», - degen jaýap keldi.

Buǵan deıin qala ákimi Jeńis Qasymbek BAQ ókilderine bergen suhbatynda «Astana turaq keńistigi» JShS-men aradaǵy áleýmettik-jeke menshik áriptestik kelisimshart, aqyly turaqtardyń ornalasqan jeri, tarıfi qaıta qaralatynyn málim etken bolatyn.

Basqarma jaýabynda tarıf pen aqyly turaqtardyń qyzmet ýaqyty áli qaralyp jatqany, túpkilikti sheshim qabyldanbaǵany aıtylǵan.