Astanadaǵy KO tehnıkalyq reglamenti talaptaryn buzǵan salonǵa avtokólik satýǵa tyıym salyndy

ASTANA. QazAqparat - QR Investıtsııalar jáne damý mınıstrliginiń Astana qalasy boıynsha Tehnıkalyq baqylaý jáne metrologııa komıteti departamentiniń jospardan tys tekserýi barysynda «Medına-2008» JShS-de Kedendik odaqtyń «Dóńgelekti kólik quraldarynyń qaýipsizdigi týraly» tehnıkalyq reglamentiniń buzylǵany anyqtaldy, dep habarlaıdy vedomstvonyń baspasóz qyzmetinen.

«Tekseris barysynda Astanadaǵy «Kórme» ortalyǵynda saýda alańyn jalǵa alyp otyrǵan «Medına-2008» JShS-inde 68,5 mln teńge somasyndaǵy Reseıde shyǵarylǵan «Lifan», «Renault», «Chevrolet» jáne taǵy basqa markaly kólikterdi kólik quraldarynyń tıpin maquldaý týraly qujattarsyz satylý faktisi anyqtalǵan», - delingen habarlamada.

Vedomstvoda kóliktik quraldardy sáıkestendirilgen qujattarsyz aınalymǵa shyǵarý Kedendik odaqtyń 2015 jyldyń 1 qańtarynan bastap kúshine engen «Dóńgelekti kólik quraldarynyń qaýipsizdigi týraly» reglamentin buzý bolyp tabylatynyn eske saldy. Tekseris qorytyndylary boıynsha, QR «Ákimshilik quqyq buzýshylyqtar týraly» Kodeksiniń 415-babyna sáıkes «Medına» JShS-de kólik quraldaryn satý toqtatyldy, zańdy tulǵa jaýapkershilikke tartylatyn boldy», - delingen habarlamada.