Astanadaǵy QazATÝ-da Uly Jeńistiń 65 jyldyǵyna arnalǵan dástúrli fakýltetaralyq kórkemónerpazdar baıqaýy márege jetti
Sáýirdiń 19-21 aralyǵynda ónerlerin ortaǵa salǵan 8 fakýltettiń tartymdy shyqqan kontserttik nómirleri senbi kúni ótken gala-kontsertte qaıta qoıylyp, jeńimpazdardyń esimderi jarııalandy.
40 jyl qatarynan uıymdastyrylyp kele jatqan óner básekesine ádette 1 myńǵa jýyq stýdent pen professorlyq-oqytýshylyq quram qatysyp kelse, bul joly olar asa belsendilik tanytyp, qatysýshylardyń sany 1,5 myńnan asyp jyǵyldy.
«Bıylǵy kórkemónerpazdar baıqaýy Uly Jeńistiń 65 jyldyǵyna arnaldy, úsh kúngi dodada, men aǵa-býyn ustazdardyń joǵary belsendiligin baıqadym. Bul oqytýshylyq quramnyń jastardyń patrıottyq tárbıesine beı-jaı qaramaıtyndyǵynyn belgisi. Al sahnalanǵan ár nómirde stýdentterdiń janǵan janaryna qarap, baıqaýdyń maqsatyna qol jetkizildi dep oılaımyn», - dedi qazylar alqasynyń tóraǵasy, Áleýmettik máseleler jáne tárbıe jumystary jónindegi prorektor Aleksandr Maıer.
Baıqaý barysynda 8 fakýltet ózderi aldyn ala tańdap alǵan UOS-ynyń bir batyry jaıynda barynsha mol maǵlumat berýi tıis boldy.
Júldeli birinshi oryndy, pýlemetshi batyr qyz Mánshúk Mámetovany án, bı, kúıge qosyp, onyń obrazyn ashý úshin áserli teatrlandyrylǵan qoıylym kórsetken Kompıýterlik júıeler jáne kásiptik bilim berý fakýlteti jeńip aldy. Bul fakýltet sondaı-aq 100-ge jýyq adamnan quralǵan áskerı hordyń oryndaýyndaǵy «Jeńis kúni» ánimen kórermenderdiń kóńiline erekshe áser qaldyrdy.
Ekinshi oryndy ekonomıkalyq jáne sáýlet óneri fakýltetteri ózara bólisse, agronomııalyq fakýltettiń shyǵarmashylyq ujymy úshinshi oryndy enshiledi.
Barlyq jeńimpazdar aqshalaı syılyqtarmen marapattaldy.