Astanadaǵy Qarttar úıinde Jeńis kúnine jáne Otan qorǵaýshylar kúnine arnalǵan jıyn ótti
Kónekóz qarııalar zulmat soǵysta Máskeý, Brest, Ýkraına, Vengrııa urystarynda, Berlın túbindegi shaıqasta erlikterimen erekshelengen jaýyngerler.
Saryarqa aýdandyq ákimdigi urpaǵynyń beıbit ómir súrýi jáne gúldenýi úshin ot keship, ajalmen arpalysqan soǵys ardagerlerin eshqashan nazardan tys qaldyrmaǵan.
Búgin de saltanatty jınalys barysynda aýdan ákimi Ermek Ospanov ardagerlerdi Jeńistiń 67 jyldyǵymen quttyqtap, maıdandaǵy jáne tyldaǵy erlikteri úshin olarǵa alǵysyn jetkizdi. Tereń qurmet jáne rızashylyq belgisi retinde ákim soǵys ardagerlerine qundy syılyqtar tapsyrdy. Ardagerler ózderiniń ystyq peıilderin bildirip, elimizdiń jas býynyna Otanǵa adal qyzmet etýdi tiledi.
«Sizderdi Uly Jeńis merekesimen quttyqtaı otyryp, ózderińizge shyn nıetimmen uzaq ǵumyr tileımin. Sizder eshqashan jabyrqaý men jabyǵýdy bilmeı, árqashan jyp-jınaqy symbattaryńyzben jastarǵa úlgi bolyp kelesizder. Búgingi beıbit, tynysh ómir úshin myń alǵys aıtamyn», - dedi E. Ospanov.
Jalpy aýdanda 141 Uly Otan soǵysynyń ardageri turady. Ákim E. Ospanov olardyń barlyǵyn mereke qarsańynda quttyqtap shyqpaq.