Astanadaǵy Qanat Islamnyń aıqasyna kanadalyq jankúıerler 2 myń bılet suratqan

ASTANA. QazAqparat - EKSPO halyqaralyq kórmesi aıasynda elordada 9 qyrkúıek kúni ótetin Qanat Islam men Brendon Kýktyń aıqasy kanadalyq jankúıerlersiz ótpeıdi, dep habarlaıdy «QazAqparat» HAA tilshisi.

«Bizge Brendon Kýktyń ókilderi kásipqoı boks keshine bıletterdiń onlaın-satylymyn uıymdastyrýdy surap, habarlasty. Kanadalyq tarap 2 000 bılet surady. Olar Astanada ótetin boks keshine sport jankúıerleri men áýesqoılary arasynda qyzyǵýshylyqtyń joǵary ekendigine sendirýde», - dep aıtty Qazaqstandaǵy Nelson promoutions ókili Nurǵazy Ismaǵambetov.

Ol Mádenıet jáne sport mınıstrligi, Astana ákimdigi, «Samuryq-Qazyna», sondaı-aq «Astana-EKSPO-2017» UK-nyń demeýshiligimen is-sharanyń joǵary deńgeıde uıymdastyrylatynyn atap ótti.

«Qazirdiń ózinde osyndaı aýqymdy boks sharasyna daıyndyq jumystary júrgizilýde.  Islam men Kýk arasyndaǵy basty jekpe-jekten bólek, qazaqstandyq jáne sheteldik jankúıerler Janqosh Turarov, Meıirim Nursultanov, Álı Ahmedov, Jánibek Álimhanuly, Rýslan Myrsataev, Nursultan Janaıbaev, Aıdos Erbosynuly jáne Dımash Nııazov sııaqty tanymal bylǵary qolǵap sheberleriniń tamasha boksyn tamashalaı alady», - dep atap ótti Ismaǵambetov.

Eske salaıyq, 9 qyrkúıek kúni elordalyq «Saryarqa» velotreginde kásipqoı boks keshi ótedi. Basty jekpe-jekte Qanat Islam kanadalyq Brendon Kýkpen jekpe-jekte óz tıtýldaryn qorǵaıdy.