Astanadaǵy kabel kárizderiniń 30%-yn jóndeý kerek

NUR-SULTAN. QazAqparat – Nur-Sultandaǵy kabel kárizderiniń 30 paıyzy aǵymdyq jóndeýdi qajet etedi. Bul týraly qala ákimdigine qarasty CTS seriktestiginiń basqarýshy dırektory Aıdar Adaev málim etti, dep habarlaıdy QazAqparat tilshisi.

«Kabeldi tóseýge tehnıkalyq sharttardy ázirleý, kabel káriziniń jańa ýchaskelerin salýdy aldyn ala esepteý týraly jobalyq-smetaǵa sáıkes tarıf - 15 857 teńge. Bul qosymsha qun salyǵynsyz. Búginde kabel kárizderi ıesiz kúıde bolýyna baılanysty kútimdi qajet etip otyr. Qala boıynsha 100% nysannyń 30%-y aǵymdyq jóndeýdi talap etedi. Sondaı-aq, káriz qudyqtarynyń ashyq qalǵan, urlanǵan qaqpaqtar máselesine de jedel den qoıý kerek», - dedi Aıdan Adaev.

Onyń aıtýynsha, qaladaǵy keıbir kabel kárizderi qaıta jóndeýden ótedi.

«Qazirgi ýaqytta kabel kárizderine aǵymdyq jóndeý boıynsha jumystar naqtylandy. Atap aıtqanda, jeńil káriz qudyǵy qaqpaqtaryn ornatý, káriz arnalaryn tazartý jumystary. Sonymen qatar, jalǵa alý shartyn jasasyp, jeke kabel ıelerin anyqtaý úshin qujattaý jaǵy josparlanyp jatyr», - deıdi ol.

Buǵan deıin elordada kabel kárizderi qyzmeti monopolıster qaraýynan alynatyny týraly habarlaǵan edik.