Astanadaǵy Qabanbaı batyr dańǵylyn keńeıtýge 92 mlrd teńge jumsalmaq

NUR-SULTAN. QazAqparat – Elordadaǵy Qabanbaı batyr dańǵylyndaǵy reksntrýktsııa jobasyna bólinetin qarajattyń somasy ózgergen joq. «QazAvtoJol» ulttyq kompanııasynyń baspasóz qyzmeti bul málimetti rastady, dep habarlaıdy QazAqparat tilshisi.

«Qazir jobalyq-smetalyq qujattama ázirlenip jatyr. Tehnıkalyq-ekonomıkalyq negizdeme boıynsha jobanyń quny burynǵydaı – 92 mıllıard teńge. Aqsha Qazaqstannyń memlekettik kepildigimen «Eksım bankten» tartylady. Jobany bıyl jazda, 2022 jyldyń birinshi jartyjyldyǵynyń sońyna qaraı bastaý josparlanǵan. Tehnıkalyq-ekonomıkalyq negizdeme boıynsha iske asýyna eki jarym jyldan astam ýaqyt nemese 33 aı ketedi», - delingen kompanııanyń baspasóz qyzmeti bergen aqparatta.

Kompanııanyń málimetine súıensek, Qabanbaı batyr dańǵylyn rekonstrýktsııalaý jobasynyń LRT atalyp ketken jeńil relsti aspaly temirjoldyń qurylysyna esh qatysy joq.

«Jeńil relsti aspaly temirjol qurylysy Qabanbaı batyr dańǵylyn rekonstrýktsııalaýjobasyna kirmeıdi. ıAǵnı, soǵan arnap turǵyzylǵan baǵandar astyndaǵy keńistiktiń rekonstrýktsııalaý jobasyna qatysy joq», - dep málim etti «QazAvtoJol».