Astanadaǵy iri eki sport kesheni «Astana» ÁKK-ge beriledi

ASTANA. QazAqparat - «Barys Arena» muz aıdyny men «Qazaqstan» sport saraıy jalǵyz aktsıoneri Astana qalasy ákimdigi bolyp tabylatyn «Astana» áleýmettik-kásipkerlik korporatsııasy UK» AQ-na beriledi, dep habarlaıdy dep habarlaıdy «QazAqparat» HAA tilshisi QR normatıvtik quqyqtyq aktileriniń aqparatyq-quqyqtyq júıesiniń «Ádilet» resmı saıtyna silteme jasap.

QR Úkimeti qaýlysyna sáıkes, Astana qalasynda týrızmdi damytý jóninde 2020 jylǵa deıingi jol kartasy bekitilip jatyr.

Atalǵan qujatta 2017 jyldyń jeltoqsan aıyna deıin «Barys Arena» muz aıdyny men «Qazaqstan» sport saraıyn «Astana» áleýmettik-kásipkerlik korporatsııasy UK» AQ-na tapsyrý josparlanǵan. Osy maqsatta kelisimge qol qoıylmaq.

Sonymen birge, 2018 jyldyń qańtar aıyna deıin Astana qalasyndaǵy sport jáne mádenıet nysandary ózin-ózi aqtaýy úshin bárine ortaq basqarýshy kompanııa quryp, qaladaǵy densaýlyq saqtaý jáne bilim salasyna tıesili nysandardyń jumysyn kúsheıtý úshin usynys daıyndaý kózdelgen. Kelesi jyldyń jeltoqsan aıyna deıin Astanadaǵy sport jáne mádenıet nysandaryn tıimdi túrde paıdalaný úshin sheteldik kompanııalar men bilikti halyqaralyq personaldardy tartý josparlanyp otyr.