Astanadaǵy halyqaralyq marafonda múmkindigi shekteýli jandar da júgiredi

ASTANA. QazAqparat - 27 tamyzda Astanada halyqaralyq ShYU jáne AÓSShK marafony ótedi. Halyqaralyq marafonǵa qatysýǵa kez kelgen adamnyń múmkindigi bar. Eshqandaı jas kategorııasyna baılanysty shekteý joq, dep habarlaıdy QazAqparat.

Shanhaı yntymaqtastyq uıymy osymen ekinshi jyl qatarynan halyqaralyq marafon ótkizýdi qolǵa alyp otyr. Alǵash ret 2016 jyly uıymnyń qurylǵanyna 15 jyl tolýyna oraı, Qytaıda uıymdastyrǵan bolatyn. Ol kezde 16 myń adam qatysty.

Bul jolǵy Astanadaǵy halyqaralyq marafon úsh kezeńdi qamtıdy. Eń uzaqtyǵy  klassıkalyq marafon - 42 shaqyrym 195 metr 27 tamyz kúni saǵat 07:30-da bastalady, orta qashyqtyq - 10 shaqyrymǵa júgiretinderdiń starty saǵat 08:00-ge josparlanǵan. Sondaı-aq EKSPO-2017 kórmesiniń qurmetine oraılastyrylǵan 2017 metr («EXPO RUN») bar. Onyń bastalý ýaqyty - 08:10.

Halyqaralyq marafonnyń jalpy júlde qory  60 myń dollardy quraıdy. Erler arasynda 42 shaqyrym 195 metrge júgirip, máre syzyǵyn 2 saǵat 20 mınýtta kesip ótken qatysýshy 13 myń dollarǵa ıe bolady. Eger ol ýaqyttan keshigip kelip, biraq jeńimpaz atansa, 7500 dollar kóleminde syıaqy beriledi. Áıelderde bul ýaqyt kórsetkishi - 2 saǵat 40 mınýt.

Al 10 shaqyrymǵa júgirgender (erler) arasynda bas júldege - teledıdar, ekinshi orynǵa - shańsorǵysh, úshinshi orynǵa -  qysqatolqyndy pesh tigilip otyr. Áıelderde bul qashyqtyqtyń jeńimpazyna «Life Fitness» klýbyna - jyldyq sertıfıkat, ekinshi orynǵa - jartyjyldyq sertıfıkat, úshinshi orynǵa - úshaılyq sertıfıkat beriledi.

Uıymdastyrýshylar 2017 (EXPO RUN) metrge júgirgenderdiń ishinde eki úzdigine jekeleı syılyq daıyndady. Olar QR jeńil atletıka Federatsııasy daıyndaǵan estelik syılyqqa ıe bolady.

Sondaı-aq halyqaralyq marafonda múmkindigi shekteýli jandar da júgiredi. Olardyń qatysýy tegin. Úzdikter qatarynan kóringenderge arnaıy syılyq usynylady.

Uıymdastyrýshylar dál osy kúni belsendi demalysty jaqsy kóretin áýesqoılarǵa elordadaǵy batýt saıabaǵynda jarys ótkizedi. Іs-sharanyń júrgiýshileri sol jerde jarysqa qatysatyn komandalardy jınaıdy. Jarys 9 kezeńnen turady. Jeńimpazǵa QR jeńil atletıka Federatsııasy daıyndaǵan arnaıy syılyq beriledi. Toǵyz kezeńniń árqaısysyna «Polosa prepıatstvıı», «Vyshıbala», «Gladıator», «Gorıachaıa kartoshka», «Letaıýşıe dengı», «Borba sýmo», «Darts», «Veselaıa estafeta», «Gıgantskıe perchatkı»  degen sekildi kúlkili ataýlar qoıylǵan. Kórermender men jankúıerler otbastylyq estafeta, vıktorınalarǵa qatysýlaryna bolady. Eń sońynda qonaqtar arasynda loterııa oınatylady. Jeńimpazdar QR jeńil atletıka Federatsııasy daıyndaǵan sývenır syılyqtarǵa qol jetkizedi.