Astanadaǵy etno-mádenı birlestikter qarttardy Konstıtýtsııa kúnimen quttyqtady

ASTANA. QazAqparat - Astanadaǵy qarttar men múgedekterge arnalǵan medıtsınalyq-áleýmettik mekemede Qazaqstan halqy Assambleıasynyń «Beıbitshilik pen kelisimniń jol kartasy» mega-jobasy sheńberinde «Úlkenge - qurmet, Ata zańdaǵy mindet» atty qaıyrymdylyq aktsııasy ótti.

Aktsııa maqsaty - qarııalardy Qazaqstan Respýblıkasynyń Ata Zań kúnimen quttyqtaý.

Aktsııa uıymdastyrýshylary Qazaqstan halqy Assambleıasy men Astana qalasy ákimshiliginiń qoldaýymen Astana qalasynyń ózbek, uıǵyr, noǵaı etnomádenı ortalyqtary men dala ólkesiniń kazaktar odaǵy bolyp tabylady.

«Qazaqstan halqy Assambleıasy «Beıbitshilik pen kelisimniń jol kartasy» mega-jobasyn qolǵa aldy. Bul joba jyl saıyn Qazaqstannyń ár qalasyna kóship otyrady. Igi bastama Qazaqstanda turyp jatqan halyqty odan ári biriktire túsýde, kóptegen adamdar Qazaqstan halqy Assambleıasy syndy azamattyq ınstıtýt baryn bilip jatyr. Shara búkil Qazaqstan boıynsha ótýde. Búgin qarttar úıinde kontsert ótkiziledi, ózbek, uıǵyr, noǵaı, kazak etno-mádenı uıymdardyń ókilderinen kishigirim syılaqtar taratylady», - deıdi QR Parlamenti Májilisiniń depýtaty Zýhra Saıapova.