Astanadaǵy energetıkalyq forýmǵa Koreıadan 18 kompanııa keldi
Atalǵan jıynǵa Koreıadan energetıka salasyndaǵy 18 kompanııa kelip, jobasyn usynýda. Sheteldik kompanııa basshylary EKSPO-2017 halyqaralyq kórmesindegi «jasyl tehnologııa» taqyryby tańdalyp otyrǵanyna qyzyqqandaryn jasyrmaıdy. Koreıa Respýblıkasy qazirgi ýaqytta dástúrli qýat kózderinen bas tartyp, jalpy energetıkanyń 40-50 protsentin jel men kún elektr stantsııalary arqyly óndiredi. Seriktesterdi tabýdy kózdegen olar Qazaqstanǵa «usynystarymyz bar» deıdi.
«Búgingi kúni Qazaqstanǵa Koreıadan 18 kompanııa óz tehnologııalaryn usyný úshin keldi. Qazir suraqtar sheshilip jatyr. Búgingi tańda Koreıa Respýblıkasynda jalpy energetıkanyń 40-50 protsenti jasyl tehnologııalar arqyly óndiriledi. Bul jetistikke Koreıa 15-20 jylda jetti. Elimizde 9 AES bar. Bıyl bireýi jabyldy. Koreıa eli kún men jel elektr stantsııalaryn salý arqyly dástúrli qýat kózderin yǵystyryp keledi», - deıdi Koreıa Respýblıkasynyń kommertsııalyq elshiligi basshysynyń orynbasary Kım Ha Eng.
Koreıaden kelgen «KEPKO» kompanııasynyń dırektory Hvan Kvan Sýdyń aıtýynsha, 18 kompanııanyń ókilderi forýmmen birge EKSPO-2017 kórmesin tamashalaý úshin de arnaıy kelgen. Taza qýat kózderin óndirý boıynsha álemde úsh márte birinshi oryn alǵan Koreıadaǵy úkimettik kompanııanyń basshysy álemniń 21 elimen seriktese jumys júrgizip jatqanyn aıtady.
«Bizdiń kompanııa búkil Koreıany elektrmen qamtamasyz etedi. Kádege jaratý baǵytynda da kompanııanyń jumysy qarqyndy. Eki jaqty seriktestikti nyǵaıtýǵa kúsh salǵymyz keledi», - deıdi Hvan Kvan Sý.