Astanadaǵy ekoúıler 2017 jylǵa deıin salynyp bitedi

ASTANA. QazAqparat - Astanadaǵy «Kók shalǵyn» jobasy 2017 jylǵa deıin salynyp bitedi. Bul týraly búgin birneshe uıymdar arasynda «jasyl» tehnologııalar qoldynylatyn turǵyn úı qurylysy salasyndaǵy ınnovatsııalyq damý jónindegi yntymaqtastyq týraly memorandýmǵa qol qoıý barysynda «Samuryq-Qazyna» jyljymaıtyn múlik qory» aktsıonerlik qoǵamynyń basqarýshy dırektory Muqan Joldasov aıtty.

Onyń aıtýynsha, «Kók shalǵyn» jobasy aıasynda salynatyn pılottyq ekoúı az qabatty úı salýdyń ozyq tehnologııalaryn synaqtan ótkizip, olardyń artyqshylyqtaryn kórsetýge múmkindik beredi. «Sondaı-aq, ǵylymı-zertteý qyzmetinde birlesken jobalardy júzege asyrý alańy qalyptasady», - deıdi M. Joldasov. Aıta keteıik, memorandýmǵa «Samuryq-Qazyna» jyljymaıtyn múlik qory» AQ, «Astana Solar» JShS, «ECODOS engineering» JShQ, «TKSh jańǵyrtý men damytýdyń qazaqstandyq ortalyǵy» AQ, L.Gýmılev atyndaǵy Eýrazııa ulttyq ýnıversıteti jáne «Jasyl» qurylys jónindegi qazaqstandyq keńes "KazGBC odaǵy" ZTB uıymdary qol qoıdy. Uıymdastyrýshylardyń pikirinshe, osy memorandým sheńberinde uıymdar turǵyn úı qurylysy salasynda ınnovatsııalyq, energetıkalyq tıimdi, adamǵa jáne tabıǵatqa ekologııalyq qolaıly tehnologııalar engizý jónindegi jumystarda, sondaı-aq atalmysh taqyryptaǵy ǵylymı-zertteý jumystarynda ózara árekettestik júrgizýge nıetti.