Astanadaǵy daǵdarys ortalyǵyn zorlyq-zombylyq kórgen qansha adam panalap otyr

ASTANA. QazAqparat – Elordalyq «Úmit» daǵdarys ortalyǵy dırektorynyń áleýmettik máseleler jónindegi orynbasary Shynar Kákimova zorlyq-zombylyq qurbandaryna qandaı kómek kórsetiletinin aıtty, dep habarlaıdy QazAqparat tilshisi.

Spıkerdiń sózinshe, zorlyq-zombylyq qurbandarynyń kópshiligi – áıelder men balalar. Dúnıejúzilik densaýlyq saqtaý uıymynyń málimetine sáıkes, álemdegi árbir úshinshi áıel turmystyq zorlyq-zombylyqtyń qurbany bolǵan.

«Osyǵan baılanysty «Úmit» daǵdarys ortalyǵy qala ákimdiginiń qoldaýymen turmystyq zorlyq-zombylyqtan zardap shekkenderge arnaýly áleýmettik qyzmetter kórsetedi.

Ortalyq úı ishinde qatygezdikke ushyraǵan adamdarǵa arnaýly áleýmettik qyzmetter kórsetý úshin qurylǵan. Oǵan 18 jastan 58 jasqa deıingi turmystyq zorlyq-zombylyq qurbandary, óz bastamasy boıynsha da, bilim berý, densaýlyq saqtaý, ishki ister organdarynyń joldamasy boıynsha da jiberilgender jáne olardyń kámeletke tolmaǵan balalary qabyldanady», - dedi Shynar Kákimova Astana qalasynyń kommýnıkatsııalar qyzmeti alańynda.

Qyzmet alýshylar daǵdarys ortalyǵyna kelgen kúnnen bastap 72 saǵat ishinde medıtsınalyq tekserýden, sanıtarlyq óńdeýden ótedi. Qalanyń Jumyspen qamtý jáne áleýmettik qorǵaý basqarmasy janyndaǵy komıssııanyń sheshimimen ortalyqta bolý merzimi 1 aıdan 6 aıǵa deıin belgilenedi», - dep tolyqtyrdy spıker.

Qazirgi ýaqytta «Úmit» daǵdarys ortalyǵynda 49 adam qyzmet alýda, olardyń 13-i áıel bolsa, 36-sy balalar. Ortalyq ashylǵan kúnnen bastap 2167 qyzmet alýshy qabyldandy, onyń ishinde 712 áıel, 1455 bala bar.

Ortalyqta oıyn bólmesi, oqý bólmesi, kir jýatyn oryn, eńbek terapııasy bólmesi, balalar oıyn alańy bar.

Sondaı-aq qyzmet alýshylarmen psıhologtar (balalar jáne úlkender), zańgerler, medbıke, áleýmettik qyzmetkerler jumys isteıdi.