Astanadaǵy daǵdarys ortalyǵy qurylǵanynan beri 400-den astam áıelge qoldaý kórsetken

ASTANA. QazAqparat - Búgin «Uly dala eli» 25 ıgi is» aktsııasy sheńberinde Astana qalasy ákimdiginiń janyndaǵy áıelder isteri jáne otbasylyq-demografııalyq saıasat jónindegi komıssııanyń músheleri Turmystyq zorlyq-zombylyqtan zardap shekkenderge arnalǵan daǵdarys ortalyǵynda boldy. Qonaqtar ortalyqtan pana tapqandarǵa syılyqtar tartý etip, áıelder men balalardyń mundaı jerlerge kelý sebepterin talqylady.

Komıssııa músheleri, jergilikti atqarýshy organdardyń basshylary, úkimettik emes uıymdardyń ókilderi qatysqan «Myqty otbasy - myqty memleket» semınar-dárisi barysynda analar men ákelerdiń jaýapkershiligin arttyrý máseleleri, otbasylyq qundylyqtardy kúsheıtý jáne t.b. máseleler kóterildi.

Qatysýshylar zardap shegýshilerdiń bul oryn týraly qaıdan bilgeni, olarǵa keshendi kómek qaıda kórsetiletini týraly saýal qoıdy.

«Qalanyń barlyq emhanalarynda aqparattyq plakattar ornalastyrylǵan, bizdiń ortalyqtyń saıty jumys isteıdi, anyqtamalyqtarda jáne Jumyspen qamtý, eńbek jáne áleýmettik qorǵaý basqarmasynyń saıtynda senim telefony jazylady. Basqa memlekettik organdarmen, meshittermen, shirkeýlermen de tyǵyz yntymaqtastyqta jumys isteımiz», -  dep málim etti Astana q. «Zorlyq-zombylyq nemese zorlyq-zombylyq qaýpi saldarynan qıyn jaǵdaıǵa tap bolǵan adamdarǵa arnalǵan daǵdarys ortalyǵy» KMM dırektory Ǵalııa Nýrı.

Astana qalasy ákimdiginiń janyndaǵy áıelder isteri jáne otbasylyq-demografııalyq saıasat jónindegi komıssııanyń hatshysy Rımma Imanǵazınova áıelderge ǵana emes, otbasylarǵa kómek kórsetýdiń mańyzdylyǵyn aıtty. Osy ortalyqtyń qyzmeti týraly mektepterdegi ata-analar jınalystarynda meken-jaıyn atamastan, habarlaý qajet, óıtkeni zardap shekkenderdiń kóbi ózderin renjitken adamdardan sol jerde jasyrynady.

Semınar barysynda belgili bolǵanyndaı, er adamdardyń tarapynan bolǵan zorlyq-zombylyqtan ortalyqqa áıelderdiń 10% ǵana túsedi.

«Munda kelgenderine kóbinese áıelderdiń ózderi sebep. Biz muny psıhologııalyq portret jasaǵanda anyqtadyq. Shynymen de, ózderin dóreki ustaǵan erlerge tap bolǵandardyń sany - 10%. Bul jerde olarmen áleýmettik pedagog, psıholog jumys isteıdi, olarǵa ózderin kútý joldaryn úıretetin vızajıster, shashtarazdar keledi. Tárbıeshiler bala tárbıesi jóninen keńester beredi. Tipti, keıde tamaq ázirleı almaıtyn áıelder de bolady. Bizdiń mindet - osy jerden olardyń basqa adam etip shyǵarý», - deıdi Ǵalııa Nýrı.

Ortalyq qurylǵaly munda 411 áıel kelgen. Bul jerde bir aıdan jarty jylǵa deıin, aıryqsha jaǵdaılarda bir jylǵa deıin ruqsat beriledi.

Sondaı-aq, erlerge kómek kórsetý máselesi de kóterildi. Astana q. «Tsentr drýjby jenşın mıra» QB tóraıymy ıAnnat Nızamýtdınovanyń aıtýynsha, oǵan psıholog retinde zorlyq-zombylyqtan zardap shekken er azamattar jıi júginedi eken.