Astanadaǵy bos oryndar jármeńkesine qazaqstandyq iri kompanııalar qatysady

ASTANA. QazAqparat - 30 qazanda Astanadaǵy Táýelsizdik saraıynda «Bolashaq» qaýymdastyǵy QR Mádenıet jáne sport mınıstrligi, «Halyqaralyq baǵdarlamalar ortalyǵy» AQ qoldaýymen «Bolashaq: is-áreket áleýeti» taqyryptyq bos oryndar jármeńkesin ótkizedi.

Jármeńkege 40-tan astam jumys berýshi qatysady. Onyń ishinde «Samuryq-Qazyna» UÁAQ» AQ, «Báıterek» UBH» AQ, «Ksell» AQ, «Air Astana» AQ, «Qazaqstan damý banki» AQ, «Tsesnabank» AQ, «Jınaq banki» AQ EB, «Damý» kásipkerlikti damytý qory» AQ, «Transtelekom» AQ, «Habar» agenttigi» AQ, «Qazkontent» AQ, «Nazarbaev Ýnıversıtet» DBBU, «Nazarbaev zııatkerlik mektepteri» DBBU, «Ekonomıkalyq zertteýler ınstıtýty» AQ, BI Group, «Ulttyq aqparattyq tehnologııalar» AQ, «Aýyl shraýashylyǵyn qarjylyq qoldaý qory» AQ, «Qazaqmys» korporatsııasy» JShS, KPMG, Ernst&Young, «QazAtomÓnerkásip» UAK» AQ, «Ǵylym qory» AQ jáne taǵy basqalary bar.

Jármeńke barysynda «Bolashaq» qaýymdastyǵynyń Mansap ortalyǵynyń tusaýkeseri josparlanǵan, ol jas mamandarǵa, onyń ishinde «Bolashaq» baǵdarlamasynyń túlekterine mansaptyq damýy men ósýine kómek berýge arnalǵan.

Áleýetti jumys berýshilermen kezdesýden basqa jármeńkege qatysýshylar paneldik pikirtalasqa qatysady, munda qarjy, munaı sektoryndaǵy, ınnovatsııalar men tehnologııalar salasyndaǵy jáne t.b. basym baǵyttardy damytý máseleleri talqylanady. Spıker retinde «Báıterek» UBK» AQ, «Tehnologııalyq damý jónindegi ulttyq agenttik» AQ basshylyǵy qataryndaǵy, «QazMunaıGaz» UK» AQ qurylymdyq bólimshelerindegi «Bolashaq» baǵdarlamasynyń túlekteri qatysady.