Astanadaǵy bos oryndar jármeńkesinde 500-den astam bos jumys orny usynylady

ASTANA. QazAqparat - Astanada jumyssyzdarǵa arnalǵan kezekti bos oryndar jármeńkesi ótedi. Shara 14 shildede saǵat 11.00-den 13.00 deıin M. Ótemisov atyndaǵy Oqýshylar saraıynda (Bókeıhan k-si, 1) ótedi.

Bıyl bos oryndar jármeńkesi jetinshi ret ótkiziledi. Sharaǵa 50 jumys berýshi, sonyń ishinde memlekettik mekemeler men jeke kásipkerler qatysady. Kelýshilerge 500 astam bos jumys orny usynylady, dep habarlaıdy ákimdiktiń baspasóz qyzmetinen.

Astana qalasynyń Jumyspen qamtý ortalyǵy bos oryndar jármeńkesin turaqty túrde ótkizedi. Bıyl taǵy da bes jármeńke ótkizý josparlanyp otyr.

Eske salaıyq, jyl basynan beri bos oryndar jármeńkeleriniń arqasynda 3 myńǵa jýyq adam jumysqa ornalastyryldy. Atap aıtqanda, 1 myńǵa jýyq adam qoǵamdyq jumystarǵa, 400 astamy kásiptik daıarlaý, qaıta daıarlaý jáne biliktilikti arttyrý kýrstaryna jiberildi. Sondaı-aq, 250 astam adam jastar praktıkasynan ótti.