Astanadaǵy boks keshinde WBC tıtýly úshin aıqas ótedi

ASTANA. QazAqparat – 16 jeltoqsanda Astanada «Barys Arenada» kásipqoı boks keshi ótedi. Oǵan qazaqstandyq jáne sheteldik boksshylar qatysady, dep habarlaıdy QazAqparat Sports.kz saıtyna silteme jasap.

BoxRec.com málimetinshe, shoýdaǵy jekpe-jekterdiń birinde áıelder tıtýldyq aıqasy ótedi. Jeńilip kórmegen amerıkalyq Rosalında Rodrıges (13-0, 3 KO) argentınalyq Debora Vanesa Gomespen (8-8-2, 1 KO) judyryqtasady. Jeńil salmaqtaǵy WBC International belbeýi báske tigiledi.

Keshtiń basty oqıǵasy – «Qazaq jaýyngeri» laqap atymen tanymal Elshat Nyǵmetolla (17-0-1, 5 KO) fılıppındik Rents Rozıamen (17-9-1, 9 KO) jeńil salmaqtaǵy WBC International Silver bos turǵan tıtýly úshin kúsh synasady.