Astanadaǵy boks keshi: Erjan Zalılov qarsylasyn aýyr nokaýtqa jiberdi

NUR-SULTAN. QazAqparat – Elordanyń Jaqsylyq Úshkempirov atyndaǵy «Jekpe-jek» saraıynda Táýelsizdiktiń 30 jyldyǵyna arnap ótkizilip jatqan kásipqoı boks keshinde Erjan Zalılov qarsylasyn aýyr nokaýtqa jiberip, KFPB tıtýlynyń ıegeri atandy, dep habarlaıdy QazAqparat tilshisi.

Bul joly jergilikti boksshylar Erjan Zalılov pen Eskendir Harsan 55,3 keli salmaq dárejesi boıynsha Qazaqstan chempıony ataǵyna jol ashatyn KFPB tıtýlynyń ıesin anyqtady.

Uıymdastyrýshylardyń aıtýynsha, bul formattaǵy jekpe-jek araǵa 20 salyp alǵash ret ótip otyr.

Kezdesýdiń ekinshi raýndynda Erjan Zalılov qazaqstandyq qarsylasyn aýyr nokaýtqa jiberdi.

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetilip jatyr.

Aıta keteıik, keshtiń basty jekpe-jeginde qazaqstandyq Olımpıada chempıony Danııar Eleýsinov pen argentınalyq Hýan Ernan Leao jartylaı orta salmaqtaǵy IBO chempıondyq belbeýin sarapqa salady.

Otandasymyz buǵan deıin kezdesý ótkizip 16 kezdesý ótkizip, onyń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen támamdap, bir jekpe-jegin sátsiz aıaqtaǵan.