Astanadaǵy avtobýs jolaqtary EKSPO-dan keıin alynyp tastalýy múmkin

ASTANA. QazAqparat  - Astana joldaryna jańadan syzylyp jatqan avtobýs jolaqtarynyń keıbiri EKSPO-2017 kórmesinen keıin alynyp tastalýy múmkin, dep habarlaıdy «QazAqparat» HAA tilshisi.

Eske sala ketsek, maýsym aıynda Astananyń taǵy 13 kóshesine «BUS Line» jolaqtary syzylady. Mundaı jolaqtar 2015 jyly - 6 kóshede, al ótken jyly 5 kóshede paıda bolǵan edi.

«Árıne, narazylyq bildirgen qala turǵyndary kóp, biraq qalamyzda 400-450 myńǵa jýyq avtokóliktiń bar ekenin, onyń qala qozǵalysyna aýyrlyq týdyratynyn eskergen jón», - dedi qalalyq Jolaýshylar kóligi basqarmasynyń basshysy Berik Igenberdınov Astanada ótken baspasóz máslıhatynda.

Sondaı-aq, mekeme basshysy jazǵy ýaqytta Astanaǵa 3 mıllıonǵa jýyq týrıst keletinin eske salyp, EKSPO qonaqtaryna sapaly tasymaldaýdy  uıymdastyrý qajettigin eske saldy.

«Qala turǵyndaryna aıtarymyz, tamyz aıynda «Bus Line» engizilgen árbir aýmaqqa taldaý jasalady jáne kórme aıaqtalǵan soń olardyń keıbiri qoldanystan alynýy múmkin», - dep tolyqtyrdy B.Igenberdıev.