Astanadaǵy «Arqar» kópiri órtendi

NUR-SULTAN. QazAqparat – Elordada «Arqar» kópirinen órt shyqty, dep habarlaıdy QazAqparat tilshisi.

Nur-Sultan qalalyq tótenshe jaǵdaılar departamentiniń málimetinshe, búgin saǵat 16:27-de vedomstvonyń órt sóndirý bólimshesi shaqyrtý boıynsha oqıǵa ornyna attanǵan.

«Oqıǵa ornyna kelgennen keıin Saraıshyq kóshesi boıyndaǵy «Arqar» kópiriniń tirek baǵanyndaǵy elektr kabeliniń janyp jatqany anyqtaldy», - dep atap ótedi vedomstvodan.

Qazirgi ýaqytta oqıǵa ornynda tótenshe jaǵdaılar departamenti, polıtsııa departamenti qyzmetkerleri jáne elektr mamandary jumys istep jatyr.