Astanadaǵy ardagerlerdiń basym bóligi - tósek tartyp, aýyryp jatqandar - Ardagerler keńesi

ASTANA. Sáýirdiń 30-y. QazAqparat /Arman Asqarov/ - Elordada tirkelgen 470 ardagerdiń 100-iniń ǵana júrýge ıkemi bar. Bul týraly búgin Uly Jeńistiń 65 jyldyǵyna arnalǵan «Uly jeńis: jańasha kózqaras pen zertteý joldary» atty halyqaralyq ǵylymı-tájirıbelik konferentsııada Astana qalasynyń Ardagerler keńesi tóraǵasynyń orynbasary Erken Sarkenov málim etti,

dep habarlaıdy QazAqparat.

Onyń málimeti boıynsha, búginde Astana qalasynyń Ardagerler keńesinde 470 Uly Otan soǵysynyń ardageri tirkelgen. «Olardyń tek 100-i ǵana óz kúshimen júrip turady. Qalǵandary bolsa, tósek tartyp, aýyryp jatqandar», - deıdi E.Sarkenov.

Keńes tóraǵasynyń orynbasary atap kórsetkendeı, búginde keńeste tirkelgen eń jas ardager - 83 jasta.