Astanadaǵy alyp saǵat nege jumys istemeı tur

ASTANA. QazAqparat – Elordanyń halyq arasynda «Naberejnyı» atanyp ketken aýdanynda, Esil jaǵasynda ornalasqan alyp saǵat 4 jyl boıy jumys istemeı tur. Nysan 2016 jyly salynǵan. Osy oraıda QazAqparat tilshisi máseleniń mánin qalalyq ákimdikten surap kórgen edi.

«Alyp saǵat» dızaıny - sý aǵyny arqyly lazerlik shoýdy taratýǵa arnalǵan ekran retindegi sýburqaqtyń bir túri. Onyń qurylysy 2016 jyly «Sý ekstravaganzasy» (dızaın jobasy) is-sharasyn daıyndaý jáne ótkizý úshin satyp alyndy.

Sýburqaqty konservatsııalaý bóliginde qyzmet kórsetý 2017-2018 jyldary júzege asyryldy.

Ákimdiktiń habarlaýynsha, 2019 jyldan bastap qazirgi ýaqytqa deıin sýburqaq energııamen jabdyqtaý kabelderi men basqa da shyǵyn materıaldaryn urlaý sebebinen jumys istemeı tur. Atalǵan fakti boıynsha Esil aýdanynyń polıtsııa basqarmasy qylmystyq is qozǵaǵan.

Astana qalasynyń ýrbanıstıka ortalyǵy jeke ınvestıtsııalar esebinen tehnıkalyq tekserý júrgizý jáne sýburqaqty qaıta iske qosý múmkindigin qarastyrý boıynsha kompanııalardy tartý máselesin qarastyrylyp jatyr.