«Astanadaǵy álemdik pikirtalas alańy Davos deńgeıine jetti»-respýblıkalyq basylymdarǵa sholý
***
Elbasy Nursultan Nazarbaevtyń Qaraǵandy oblysyna jasaǵan jumys sapary keshe odan ári jalǵasty. Ejelden elimizdiń ındýstrııalyq ortalyǵy bolyp kele jatqan bul óńir qazir de ónerkisip salasynyń kóshbasshysy sanalady. Osyǵan oraı «Egemen Qazaqstan» gaztiniń beısenbilik nómirinde «Órisi keńeıgen óndiristi óńir» degen taqyryppen maqala jarııalandy. «N.Nazarbaevtyń Qaraǵandyda atbasyn tiregen ekinshi nysany oblystyq qan quıý ortalyǵy boldy. Aýmaǵy 12 993 sharshy metr bolatyn bul ǵımarat kólemi 1,6 gektar jerdi alyp jatyr. 2008 jyly bastalǵan onyń qurylysy jaqynda ǵana aıaqtalypty. Ortalyq jylyna 20 myń lıtr qan saqtaı alady», - dep jazady basylym.
«Keshe Baılanys jáne aqparat mınıstrliginde mınıstr Asqar Jumaǵalıev halyqqa qyzmet kórsetý ortalyqtary basshylarymen jınalys ótkizdi. Basqosýda kóterilgen basty máseleniń biri bıylǵy jyldyń naýryz aıynda Baılanys jáne aqparat mınıstrliginiń qaramaǵyna berilgen HQKO-lardyń jumysyn jańǵyrtý jáne jetildirý boldy», - dep jazady «Egemen Qazaqstan» gazeti búgingi nómirindegi «Halyqqa qyzmet kórsetýde olqylyqtar kóp» degen maqalasynda. Basylymnyń atap ótýinshe, qazirgi kúni azamattardyń HQKO qyzmetkerleriniń qyzmet kórsetý sapasyna jáne qyzmetti usynýshy memlekettik organdardyń jumysyna kóńilderi tolmaıdy. Óıtkeni, azamattar men memlekettik organdar arasyndaǵy tosqaýyldar men sybaılas jemqorlyq túpkilikti joıylmaı otyr.
***
«L.Gýmılev atyndaǵy Eýrazııa Ulttyq ýnıversıtetiniń professor-oqytýshylary men stýdent-jastary IV Astanalyq ekonomıkalyq forým aıasyndaǵy «Іskerlik kópir - jastar úshin ınnovatsııalyq bolashaq» atty halyqaralyq konferentsııaǵa qatysyp, Nobel syılyǵynyń 4 birdeı laýreatynyń dárisine qulaq túrdi», - dep jazady «Aıqyn» gazeti. Basylymnyń atap ótýinshe, ataqtary jer jaryp turǵan ǵalymdardyń dárisin EUÝ ujymymen birge elimizdiń 16 ýnıversıteti tikeleı efır arqyly tyńdaǵan. Dáris oqyǵandardyń qatarynda ekonomıka salasy boıynsha Nobel syılyǵynyń laýreattary, Djon Nesh, Ser Djeıms Mırrlıs Robert Aýmann jáne hımııa salasy boıynsha Nobel syılyǵynyń laýreaty Rodjer Kornberg boldy.
Álemge áıgili AQSh pen muqym Eýropanyń ishkenin iriń, jegenin jelim qylǵan, on jyl boıy qorqynysh pen úreıde ustaǵan Batys «qaba saqal qubyjyq» ataǵan Ýsama ben Laden dúnıeden ótti. Durysy ótken joq, AQSh arnaýly bólimderi kózin joıdy. Osyǵan oraı «Aıqyn» gazetinde «Laden salǵan lań shyndyqqa qanshalyqty saı?» degen taqyryppen maqala jarııalandy. «Ál-Kaıda» serkesin joıýǵa AQSh-tyń «teńiz mysyǵy» dep atalatyn arnaýly jasaǵynyń 40 sarbazy qatysqan. Álemdegi bas Lańkes jasyrynǵan úıge olar tórt tik ushaqpen jetkizilgen. Operatsııa 40 mınýtqa sozylǵan. Ólispeı berispeýge tyrysqan ben Ladendi mergenderdiń biri basynan atyp óltirgen», dep jazady basylym.
***
«Alash aınasy» gazetiniń turaqty «Dat!» aıdarynda QR Ulttyq ınjenerlik akademııasynyń akademıgi «Neft» ǵylymı-zertteý ortalyǵynyń bas dırektory Nádir Nádirovpen aradaǵy suhbat «Biz áli de bolsa ǵylymǵa jetkilikti dárejede kóńil bóle almaı otyrmyz» degen taqyryppen berilgen. Basylym tilshisiniń barlyq saýaldaryna tushymdy jaýap bergen ol: «Bizde úlkendi-kishili minberlerden jaqsy bastamalar, úzdik usynystar, ozyq oılar aıtylyp jatady. Biraq, ókinishke qaraı, kóp jaǵdaıda aıtylǵan sóz aıtylǵan jerde qalyp qoıady. Meniń aıtarym, aıtylǵan sóz ben atqarylǵan is sáıkestenip jatsa eken», - deıdi.
«Astanadaǵy álemdik pikirtalas alańy Davos deńgeıine jetti». «Alash aınasy» gazetiniń beısenbilik sanynda osy taqyryppen jarııalanǵan maqala keshe aıaqtalǵan IV Astanalyq ekonomıkalyq forýmyna arnalǵan. «Jahandyq ekonomıka problemasy ǵana emes, qaýipsizdik, onyń ishinde azyq-túlik qaýipsizdigi men «jasyl ósim» máselesi, ekologııalyq hám ornyqty damý baǵyty, qarjylyq turaqtylyq júıesi, óńirlik yqpaldastyq sharalary talqylanǵan sessııalar barysynda tyń usynystar dúnıege keldi. Ondaı usynystar negizinde alpaýyt uıymdarǵa jahandyq qatermen birlesip kúresý týraly úndeýler jasaldy. Qysqasy, Astana ekonomıkalyq forýmy álemdik masshtabtaǵy mańyzdy oqıǵa ekendigin taǵy da dáleldep, Davos forýmy deńgeıine kóterilgen syńaıly», - dep jazady basylym.
***
«IV Astanalyq ekonomıkalyq forýmy jumysy aıasynda keshe Májilis Tóraǵasy Oral Muhamedjanov Japonııanyń burynǵy Premer-mınıstri jáne atalǵan eldiń Qazaqstanmen dostyqty nyǵaıtý jónindegi parlamenttik lıgasynyń tóraǵasy ıÝkıo Hatoıamamen kezdesti», - dep jazady «Kazahstanskaıa pravda» gazeti. Májilis Tóraǵasy sóz basynda bıylǵy kóktemde bolǵan zilzalanyń qasiretin shekken Japonııa halqyna kóńil aıtty. Óz kezeginde ıÝkıo Hatoıama Qazaqstan halqy Semeı synaq aımaǵynda bolǵan ıadrolyq jarylystardyń zardaptaryn shekkenin jan-júregimen túsinetinin jetkizdi. Sondyqtan tabıǵat apatyna ushyraǵan japon halqynyń jaǵdaıyna erekshe nazar aýdarǵan qazaqstandyqtarǵa kórsetken kómegi úshin alǵysyn bildirdi.