Astanadaǵy aqyly turaqtardan kim qansha tabys tabady

ASTANA. QazAqparat – Astana qalasy kólik jáne jol-kólik ınfraqurylymyn damytý basqarmasy elordada aqyly turaqtar paıda bolǵannan beri bıýdjetke qansha kiris túskenin málim etti, dep habarlaıdy QazAqparat tilshisi.

«Memleket-jeke menshik áriptestiginiń sharty jasalǵan sátten bastap, ıaǵnı, 2018 jylǵy qarashadan 2022 jylǵy jeltoqsanǵa deıin taraptar arasyndaǵy tabysty bólý memlekettik áripteske – 5%, jeke serikteske – 95% mólsherinde belgilengen», - dep jazylǵan basqarma málimetinde.

Bul aqyly turaqtan túsetin tabystyń 5%-y bıýdjetke, 95%-y «Astana turaq keńistigi» JShS-ne tıesili degen sóz.

«Memlekettik bıýdjetke 5% túsim aıasynda 12 mln tengeden astam tabys tústi», - dep jazylǵan ákimdik málimetinde.

«Astana turaq keńistigi» JShS-niń tabys úlesi 95% ekenin eskersek, 2018 jyldyń qarashasynan beri kompanııa 228 mln teńge tabys tapqan bolyp shyǵady.

Al bıýdjetke aqyly turaq aqysyna qaraǵanda aıyppuldardan túsetin kiristiń mólsheri qomaqty.

«MJÁ sharty jasalǵannan beri qala bıýdjetine aıyppuldan 2 mlrd teńgeden astam kiris túsken», - delingen ákimdik dereginde.