Astanadaǵy Agrarlyq ýnıversıtette «Túlek - 2012» jármeńkesi ótti
15:15, 02 Naýryz 2012
ASTANA. 2 naýryz. QazAqparat - S.Seıfýllın atyndaǵy Qazaq agrotehnıkalyq ýnıversıtetinde «Túlek - 2012» jármeńkesi ótti.
Ýnıversıtettiń veterınarııa jáne mal sharýashylyǵy tehnologııasy fakýltetinde ótken jármeńkege jumys berýshiler retinde Aýyl sharýashylyǵy mınıstrligine qarasty 25 mekeme qatysty. Olar
7 mamandyq boıynsha bolashaq 168 túlektiń arasynda tańdaý júrgizdi.
Fakýltet dekanynyń qysqasha baıandamasynan keıin, ár jumys berýshi óziniń mekemesi týraly aqparatty usyndy. Odan keıin túlekter men jumys berýshiler «dóńgelek ústelder» barysynda pikirlesip, kelisimsharttar jasasty.
Jármeńke nátıjesin shyǵara otyryp, 168 túlektiń 90-nan astamy oqýlaryn aıaqtaǵan soń, jumysqa ornalasady dep senimmen aıtýǵa bolady.