Jármeńkede et, balyq, sút ónimderi, bakaleıa, kókónis pen jemis-jıdektiń alýan túri usynylady. Barlyq taýar deldalsyz, tikeleı fermerlerden jetkiziledi. Bul azyq-túliktiń qoljetimdiligin arttyrýǵa ári otandyq óndirýshilerdi qoldaýǵa baǵyttalǵan.
Astanaǵa shamamen 350 tonna ónim jetkiziledi. Onyń ishinde 110 tonna kókónis, 50 tonna jemis, 35 tonna et jáne et ónimderi, 20 myń dana jumyrtqa, 14 tonna balyq, 10 tonna sút ónimderi, 6 tonna qant, 6 tonna kúrish, 5 tonna bal jáne 100 tonnadan astam basqa da azyq-túlik bar.
Jármeńke qonaqtary aımaqtardan kelgen ónerpazdardyń kontserttik baǵdarlamasyn da tamashalaı alady. Saýda tańǵy 9:00-den keshki 18:00-ge deıin jalǵasady.
Aıta keteıik, bıylǵy jármeńke dástúr boıynsha «Qazanat» atshabarynyń avtoturaǵynda (Qarqaraly tas joly, 1 mekenjaıy) ótedi. Іs-shara ornyna №18, 37 jáne 303 avtobýstary qatynaıdy.
Eske salaıyq, Alma Fest-2025 jármeńkesine 50 fermer 100 tonna alma ákeldi.