Astanadaǵy Jansúgirov kóshesiniń ýchaskesi ýaqytsha jabylady

<p>ASTANA. KAZINFORM - Astana qalasy Kólik jáne jol-kólik ınfraqurylymyn damytý basqarmasy І. Jansúgirov kóshesi boıynsha Abylaı han dańǵylynan Sh. Qudaıberdiuly dańǵylyna deıingi ýchaskede jol tósemine ortasha jóndeý jumystarynyń júrgiziletinin málim etti.&nbsp;</p>

Elorda ákimdigi resmı saıtynyń málimetinshe, jol jóndeý jumystaryna baılanysty 8 qyrkúıek kúni saǵat 9:00-den 9 qyrkúıek kúni saǵat 06:00-ge deıin joǵaryda atalǵan ýchaske tolyǵymen jabylady.

Bul rette avtokólik quraldarynyń qozǵalysy aınalyp ótý shemasyna sáıkes irgeles kósheler boıynsha uıymdastyrylady.

Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy. 

Eske sala keteıik, buǵan deıin Astanada V Dúnıejúzilik kóshpendiler oıyndaryna arnalǵan óńirler sherýi ótkenin jazǵan edik.